ആദി ഒരു താരോദയമോ…?

ഒരു നിരൂപകന്റെ കാഴ്ച്ചപാടുകളിലൂടെ ആദി എന്നചിത്രത്തെ സമീപിക്കുമ്പോൾ എനിക്കെന്നല്ല ഏതൊരു ചലചിത്ര നിരൂപകനും ഒന്ന് ഉറപ്പിക്കാം പ്രണവ് മോഹൻലാൽ അല്ലെങ്കിൽ സിനിമാപ്രവർത്തകരുടെ പ്രിയപെട്ട അപ്പു മലയാള സിനിമയിൽ  ഭദ്രമായി തന്റെ അടിത്തറ പാകികഴിഞു.

നായകനായി വേഷമിടുന്ന ആദ്യ ചിത്രത്തിൽ തന്നെ മലയാളത്തിലെ ചരിത്രം മാറ്റിയെഴുതിയ അണിയറ ശിൽപ്പികൾക്കൊപ്പം പ്രവർത്തിക്കാൻ കഴിഞു എന്നത് താരപുത്രൻ എന്ന പദവിയുടെ പുണ്യമാവാം. ലളിതമായ ശാന്തമായ ആദി എന്ന കഥാപാത്രത്തെ അതിലേറെ ലളിതമായി തന്മയത്വത്തോടെ പ്രേക്ഷകമനസ്സുകളിൽ എത്തിക്കാൻ സാധിച്ചത് അപ്പു   എന്ന കലാകാരന്റെ അഭിനയ മികവ് തന്നെ.

ജീത്തു ജോസഫ് എന്ന സംവിധയകന്റെ കയ്യൊപ്പിനുമേൽ ഞാൻ മറ്റൊന്നും പറയേണ്ടതില്ലല്ലോ ആദി എനിക്ക് ഒരുപാടിഷ്ട്ടപെട്ടു നല്ലൊരു കുടുബ ചിത്രം

സ്ട്രീറ്റ് ലൈറ്റ്സ് റിവ്യൂ

Street Lights Review #സ്ട്രീറ്റ് ലൈറ്റ്സ്

അത്രയതികം പ്രമോഷനുകൾ ഇല്ലാതെയാണ് മമ്മൂക്കയുടെ പ്ലെ ഹൗസ് നിർമ്മിച്ച്  ഇക്കതന്നെ ജെയിംസ് എന്ന പോലീസ് ഉദ്യോസ്ഥനായി വേഷമിടുന്ന  സ്ട്രീറ്റ് ലൈറ്റ്സ് പ്രദർശനത്തിനെത്തിയത്. കാണേണ്ടവർ കണ്ടാമതി എന്ന അണിയറപ്രവർത്തകരുടെ മനോഭാവം ചിത്രത്തെ പറ്റിയുള്ള അമിത പ്രതീക്ഷകളിൽനിന്നും എന്നെ വിലക്കി. അതുകൊണ്ട് തന്നെ ചിത്രം നിരാശപെടുത്തിയില്ല.

കോമഡി സസ്പെൻസ് ത്രില്ലറായ സ്ട്രീറ്റ് ലൈറ്റ്സ് കമലഹാസന്റെ ഉത്തമവില്ലൻ, വിശ്വരൂപം എന്നീ ചിത്രങ്ങൾക്ക് ക്യാമറ ചലിപ്പിച്ച ശ്യാംദത്ത് ആദ്യമായി സംവിധാനം ചെയ്യുന്നചിത്രമാണ്.

ആവശ്യത്തിനുമാത്രം മാസ് കോമഡി എല്ലാം ഉൾപെട്ടചിത്രം ഒറ്റ ദിവസം സംഭവിക്കുന്ന കാര്യങ്ങളാണു തിരശീലയിൽ എത്തിക്കുന്നത്. കഥയും കഥ നടക്കുന്ന സാഹചര്യങ്ങളും ഒരു ക്ലീഷേ എന്ന് പറയാമെങ്കിലും പ്രേക്ഷകനെ ബോറടിപ്പിക്കാത്ത വിധം ചിത്രീകരിക്കാൻ ശ്യാംദത്ത് ശ്രമിച്ചിരിക്കുന്നു.

ഈ ചിത്രത്തിലും ഇക്കയുടെ സൗന്ദര്യം ഒരു പടികൂടി വർദ്ധിച്ചു എന്നത് സ്വാഭാവികം. ധർമ്മജനും ഹരീഷ് കണാരനും തങ്ങളുടെ റോൾ വ്രിത്തിയായിചെയ്തു. എന്നാൽ ഇവരുടെ കഥയുമായി നേരിട്ട് ബന്ധമില്ലാതെ മറ്റൊരുതലത്തിൽ സൗബിൻ ലിജോമോൾ പ്രണയവും ചിത്രത്തിന്റെ ഭാഗമാകുന്നു.

ചുരുക്കിപറഞാൽ സ്ട്രീറ്റ് ലൈറ്റ്സ് അത്രവലിയ അവകാശവാദങ്ങളൊന്നുമില്ലാതെ സാധാരണ പ്രേക്ഷകനെ ത്രിപ്തിപെടുത്തുന്ന ഒരു കൊച്ചു മെഗാസ്റ്റാർ ചിത്രം അത്രതന്നെ

#സ്ട്രീറ്റ്_ലൈറ്റ്സ് #devan

എനിക്ക് ഏറ്റവും പ്രിയപെട്ടവരെ,

ഓൺലൈൻ എഴുത്ത് ലോകത്തേക്ക് ഞാൻ കടന്നുവന്നിട്ട് പത്തുവർഷത്തിലേറെ ആയിരിക്കുന്നു. ഈ വലിയൊരു കാലയളവിൽ പോലും എഴുത്തിൽ എന്റേതായ ഒരു വ്യക്തിമുദ്ര പതിപ്പിക്കാൻ എനിക്കായിട്ടില്ല എന്നിരുന്നാലും ഓൺലൈൻ എഴുത്തിന്റെ ഒരു സുവർണ്ണകാലഘട്ടത്തിൽ കുറെയേറെ സൗഹൃദങ്ങൾ സമ്പാദിക്കാൻ കഴിഞ്ഞതിൽ അതിയായ സന്തോഷമുണ്ട്. അക്ഷരങ്ങൾക്കൊപ്പമുള്ള പ്രയാണത്തെ അർത്ഥവത്താക്കിയതും ആ സൗഹൃദങ്ങൾ തന്നെയാണ് ബ്ലോഗെഴുത്തിന്റെ പ്രതാപം മങ്ങിയെങ്കിലും എഴുത്തിടങ്ങളിലെ സ്നേഹബദ്ധങ്ങളുടെ കെട്ടുറപ്പിനെ ഒരിക്കലും ഒരു ബ്ലോഗർക്കും മറക്കാനാകില്ല. അക്കാലഘട്ടത്തിലെ മിക്ക ബ്ലോഗുകളും ഇന്ന് നിർജീവമാണ് മറ്റൊന്നിനോടും മാറ്റുരക്കാനാകാത്ത സർഗ്ഗസൃഷ്ട്ടികൾ ഒരു ശ്മശാനത്തിലെന്നപോലെ ഇന്നും ആ ബ്ലോഗുകളിൽ ഉറങ്ങി കിടക്കുന്നു. അങ്ങനെ അകാലത്തിൽ സ്‌മൃതിയടഞ്ഞ ബ്ലോഗുകളെ കുത്തിപൊക്കികൊണ്ട് പഴയ ഓൺലെൻ എഴുത്തുകളെ നിങ്ങൾക്ക് മുന്നിലേക്കു ഒരിക്കൽക്കൂടി എത്തിക്കാൻ ശ്രമിക്കുകയാണ് ഞാൻ
കാണാമറയത്തെ എഴുത്തുകളെ അന്യോഷിച്ചുള്ള ഈ യാത്രയിൽ കൂടെ നിന്ന് പ്രോത്സാഹിപ്പിക്കണം എന്നുപറഞ്ഞുകൊണ്ട് തൽക്കാലം വിട…
സ്നേഹപൂർവ്വം ദേവൻ

വിമാനം

vimanamപൃഥ്വിരാജിൻറെ വിമാനത്തോടൊപ്പം പയർന്നുയര്ന്നപ്പോൾ കിട്ടിയത് ഈ വർഷത്തെ ഒരു മനോഹര ചിത്രം ആസ്വദിക്കാൻ പറ്റിയ സന്തോഷം തന്നെ. എന്റെ നാട്ടുകാരൻ കൂടിയായ സജി എം തോമസ്എന്ന വ്യക്തിയുടെ ജീവിതകഥ യാണ് വിമാനം എന്ന സിനിമയായി നവാഗതനായ പ്രദീപ് നായര്‍ അണിയിച്ചൊരുക്കിയത്. മൊയ്തീന് ശേഷം പൃഥ്വിയുടെ സുന്ദരമായ ഒരു പ്രണയചിത്രം. ഒരേ ഇതിവൃത്തമായതിനാൽ എബി എന്ന സിനിമപോലെ തന്നെ ആകുമോ എന്ന് തോന്നിയിരുന്നു എന്നാൽ എബിയിൽ നിന്നും ഒരുപാട് വ്യത്യസ്തത കൊണ്ടുവരാൻ പ്രദീപ് എന്ന സംവിധായകന് കഴിഞ്ഞു. പ്രേക്ഷകമനം നിറയ്ക്കുന്ന ഒരുതരം കാവ്യപ്രണയവും മനോഹരമായ സംഗീതവും എല്ലാം വിമാനത്തിനെ ഒരു മികച്ച ദൃശ്യ വിരുന്നാക്കിമാറ്റുന്നു സിനിമ കണ്ടിറങ്ങുമ്പോഴും ജാനകിയും വെങ്കിടിയും പ്രേക്ഷക മനസ്സിൽ ഒരു വിമാനത്തിലെന്ന പോലെ പറന്ന് നടക്കും എന്നുറപ്പ്. ഈ സിനിമ കാണാം ധൈര്യപൂർവ്വം.

മാസ്റ്റർപീസ്

റിലീസിന് മുൻപ് നമ്മുടെ പ്രിയപ്പെട്ട സന്തോഷ് പണ്ഡിറ്റ് പുള്ളിക്കാരന്റെ പേജിൽ പറഞ്ഞു ഓഖി കൊടുങ്കാറ്റിനേക്കാൾ വേഗത്തിൽ മാസ്റ്റർപീസ് തരംഗം കേരളത്തിൽ ആഞ്ഞടിക്കുമെന്ന്, ഒരർത്ഥത്തിൽ പണ്ഡിറ്റ് ജി പറഞ്ഞത് തന്നെ സംഭവിച്ചെന്നുപറയാം. ഓഖി കൊടുങ്കാറ്റിനേക്കാൾ വലിയ ദുരന്തമാണ് മാസ്റ്റർപീസ്. ആദ്യനാളുകളിൽ ഫാൻസിന്റെ ഉന്തുവണ്ടികൾ മാസ്റ്റർപീസിനേം പൊക്കി സോഷ്യൽ മീഡിയയിൽ തലങ്ങും വിലങ്ങും ഓടി (തള്ളെന്ന് പറഞ്ഞാൽ ഒടുക്കത്തെ തള്ളൽ അല്ലാരുന്നോ) ഇതുകണ്ട് പടം കാണാൻ ചെന്ന പ്രേക്ഷകരെ ക്രിസ്മസ് നാളുകളിൽ തന്നെ ഏപ്രിൽ ഫൂളാക്കി വിട്ടു എന്ന പുതിയ ചരിത്രം മാസ്റ്റർപീസിനു സ്വന്തം. ഇതിനു മുൻപ് പല മമ്മൂട്ടി ചിത്രങ്ങളും ആദ്യനാളുകളിൽ തള്ളൽ റിവ്യൂ കണ്ട് തിയ്യറ്ററിൽ കയറി ഇളിഭ്യനായി മടങ്ങേണ്ടിവന്ന ഒരു സിനിമാസ്വാദകൻ എന്ന നിലയിൽ ഇത്തവണ ഹൈലെവൽ വിട്ട് ലോ ലെവൽ പ്രതീക്ഷയിലാണ് സിനിമ കാണാൻ കയറിയിരുന്നത് ഇത് മലമറിക്കാനൊന്നും പോണില്ല എന്നറിഞ്ഞുകൊണ്ട് തന്നെ, ആദ്യമായെന്റെ പ്രതീക്ഷകൾ തെറ്റിക്കാത്ത ഒരു മമ്മൂട്ടി ചിത്രം എന്ന ബഹുമതി മാസ്റ്റർപീസിനിരിക്കട്ടെ. ക്യാമ്പസ് ചിത്രം എന്ന മേലങ്കിയിൽ തീയറ്ററിൽ എത്തിയ മാസ്റ്റർപീസ് സത്യത്തിൽ ഒരു ക്രൈം ത്രില്ലർ ആണ്. ഉദയ കൃഷ്‌ണയുടെ തിരക്കഥ പതിവ് ചട്ടക്കൂടിൽ തന്നെ തല്ലിക്കൂട്ടിയിരിക്കുന്നു ഒരുപാട് ക്ലിഷേകൾ കൂട്ടിയിണക്കിയ കഥ. സസ്പെൻസ് അവസാനം വരെ കാത്ത് സൂക്ഷിക്കാൻ സംവിധായകന് ഒരു രീതിയിലും സാധിച്ചില്ല എന്നതാണ് എന്നെ സംബന്ധിച്ചിടത്തോളം വാസ്ഥവം. ആദ്യപകുതി നന്നായി വെറുപ്പിച്ചു മമ്മൂട്ടിയുടെ വരവിനുശേഷവും വല്യ മെച്ചമൊന്നും ഉണ്ടായില്ല. സ്ത്രീപക്ഷ ബഹുമാനം ഇക്കയുടെ ഡയലോഗിലൂടെ നിറഞ്ഞുകവിഞ്ഞൊഴുകിയത് ഒരുപാട് അരോജകമായി തോന്നി. പാഷാണവും തന്നെ കൊണ്ട് കഴിയുന്ന രീതിയിൽ വെറുപ്പിച്ചപ്പോൾ കലാഭവൻ ഷാജോൺ തന്റെ അഭിനയത്തിൽ നിലവാരം പുലർത്തി. പാട്ടുകളെ പറ്റി പ്രിത്യേകം പറയാൻ ഒന്നുമില്ല.പിന്നെ സ്റ്റണ്ട് മ്യാരകം എന്നേ പറയേണ്ടു തമിഴിൽ പോലും ഇത്ര അമാനുഷികത്വം ഉണ്ടാവില്ല. സന്തോഷ് പണ്ഡിറ്റ് എന്തിനോ വേണ്ടി തിളയ്ക്കുന്ന സാംമ്പാർ എന്ന് പറഞ്ഞപോലെ ഒരു ക്യാരക്ടർ! എന്തായാലും വെറുപ്പിച്ചില്ല ആശ്വാസം!!. വരലക്ഷ്മിയെയും പൂനത്തിനെയും ഒക്കെ എന്തിനാണാവോ കൊണ്ടുവന്നേ, പാട്ടിനിടയിൽ വയറുകാണിക്കാനാകും. മാസ്റ്റർ “പീസ്” എന്ന് പറയുമ്പോ അങ്ങനായിരിക്കും അല്ലെ?. എന്തായാലും കടുത്ത താരാരാധന മൂത്ത് കണ്ണ് കാണാതായ ഫാൻസ്‌ അസോസിയേഷൻ പിള്ളേർക്ക് ആശ്വാസം നല്കാൻ വേണ്ടി മാത്രം ഉണ്ടായ ഒരു സൃഷ്ട്ടി എന്ന് വിശേഷിപ്പിച്ചാൽ തെറ്റില്ല.പ്രിയപ്പെട്ട ഫാൻസുകാരെ പ്രേക്ഷകന് അമിത പ്രതീക്ഷ നൽകി സിനിമയെ ഇല്ലായ്‌മ ചെയ്യുന്നത് നിങ്ങളാണ് ഇനിയെങ്കിലും അതൊഴിവാക്കുമല്ലോ. സാധാരണക്കാരനൊന്നും ദഹിക്കാൻ ഉള്ള വിഭങ്ങളോ പുതുമയോ സിനിമയിൽ ഇല്ല. ഉള്ളതെല്ലാം പക്കാ ക്ളീഷേയും. ഞങ്ങളെ പോലുള്ള സാധാരണക്കാർക്കിഷ്ടം പഴയ വല്യേട്ടനെയും, നരസിംഹ മന്നാടിയാരെയും ഒക്കെയാണ് നല്ല ചിത്രങ്ങളിലൂടെ രണ്ടായിരത്തി പതിനെട്ടിൽ എങ്കിലും ഇക്ക പ്രേക്ഷക ഹൃദയം കീഴടക്കട്ടെ.

രക്ഷാധികാരിബൈജു ഒപ്പ് Review Devan Thodupuzha

സത്യത്തില്‍ ഈ സിനിമ കാണുകയല്ലായിരുന്നു അനുഭവിച്ചറിയുകയായിരുന്നു. ബൈജു കുമ്പള ത്തിനൊപ്പം!! കുമ്പളം ബ്രദേഴ്സിനോപ്പം!! രണ്ടര മണിക്കൂറിലതികം സമയം അവരുടെ നാടും നാട്ടുകാരെയും അടുത്തറിയുകയായിരുന്നു. കേവലം സിനിമയിലെ കഥാ പാത്രങ്ങളായി ഒതുങ്ങാതെ പ്രേക്ഷക മനസിലേക്ക് കടന്നുചെല്ലാന്‍ കഴിവുള്ള കഥാപാത്രങ്ങള്‍. അഭിനേതാക്കളെല്ലാം മികച്ച രീതിയില്‍ തങ്ങളുടെ റോളുകള്‍ ഗംഭീരമാക്കി. എന്‍റെയും അതിനു മുന്‍പ്പും ഉണ്ടായിരുന്ന തലമുറയെ കുട്ടിക്കാലത്തിന്‍റെ ഓര്‍മ്മകളിലേക്ക് ചെറുതായി സഞ്ചരിക്കാന്‍ പ്രേരിപ്പിക്കുന്ന ഒട്ടേറെ ഘടകങ്ങള്‍ ഉണ്ടിതില്‍. ജനാര്‍ദ്ധനേട്ടന്‍ ഒക്കെ കാഴ്ച്ച വെച്ച കഥാപാത്രം ഞങ്ങള്‍ക്കിടയില്‍ ജീവിച്ചിരുന്ന ആരൊക്കെയോ ആണ്. സാമാന്യ ജീവിതത്തില്‍ ഉണ്ടാകുന്ന തമാശകളും വിഷമങ്ങളും പ്രശ്നങ്ങളും ഒപ്പം ഒരു നാട്ടിന്‍ പുറത്തെ എല്ലാ ചേരുവകളും ചിത്രത്തില്‍ നന്നായി യോജിപ്പിച്ചിരിക്കുന്നു. ജീവിതാനുഭവങ്ങളുടെ വെളിച്ചത്തില്‍ തയ്യാറാക്കിയ തിരക്കഥ അതിന്‍റെ എല്ലാ തനിമ കളോടും കൂടി വെള്ളിത്തിരയില്‍ എത്തിക്കുന്നതില്‍ സംവിധായകനും തിരക്കഥാ കൃത്തുമായ രഞ്ചന്‍പ്രമോധിനു സാധിച്ചു
ഒറ്റ വാക്കില്‍ പറഞ്ഞാല്‍ സുന്ദരം വശ്യം മനോഹരം… “രക്ഷാധികാരി ബൈജു ഒപ്പ്” നല്ലൊരു നാടന്‍ ചിത്രം.കാണാതെ പോയാല്‍ നല്ലൊരു ചലച്ചിത്രാസ്വാധനമാവും നഷട്ടമാകുക.

ന്നു നമ്മുടെ രാജ്യത്തെ ജനങ്ങള്‍ നേരിടുന്ന സുപ്രധാന പ്രശ്നം തന്നെയാണ് നോട്ടു ഷാമം പ്രധാന നഗരങ്ങളില്‍ ഒക്കെയും കാര്യങ്ങള്‍ സാധാരണ ഗതിയില്‍ ആയെങ്കിലും. ബാങ്ക് ശാഖകള്‍ കുറവുള്ള നാട്ടിന്‍ പുറങ്ങളിലും മറ്റും ജനങ്ങള്‍ ഇന്നും ബുദ്ധിമുട്ടില്‍ തന്നെയാണ്. നഗരങ്ങളിലാണെങ്കില്‍ പോലും വലിയ തുകക്കുള്ള ഇടപാടുകള്‍ എല്ലാം സ്തഭിച്ചിരിക്കുകയാണ്. സിനിമാ വ്യവസായം പോലുള്ള വലിയ മുതല്‍ മുടക്കുള്ള ബിസിനസുകള്‍ വന്‍ പ്രതിസന്ധിയിലാണ് ഈ പ്രതിസന്ധി മറികടക്കാന്‍ പരാമാവ ധി ഉപയോഗപ്പെടുത്താവുന്ന മാര്‍ഗങ്ങള്‍ ഇതൊക്കെയാണ്
ഡെബിറ്റ് ക്രഡിറ്റ് കാര്‍ഡ് ഉപയോഗം
നമ്മുടെ രാജ്യത്തെ ജനങ്ങളുടെ ജീവിത ശൈലിയുമായി തട്ടിച്ചുനോക്കിയാല്‍ ഭൂരിഭാഗം വരുന്ന സാധാരണ ക്കാര്‍ക്ക് ഡെബിറ്റ് ക്രഡിറ്റ് കാര്‍ഡ് ഇന്നും അന്യമാണ് എങ്കിലും ബാക്കിവരുന്ന ന്യൂന പക്ഷം ഈ മാര്‍ഗം അവലംബിക്കാം
ചെക്ക് 
ബാങ്കില്‍ പോകാനുള്ള സമയവും ബാങ്കിലെ തിരക്കും പ്രതികൂലമായി ബാധിച്ചില്ലെങ്കില്‍ ഒരു സാധാരണ  അക്കൗണ്ടില്‍ നിന്നും ഒരു ആഴ്ച ഇരുപത്തി നാലായിരം വരെ ചെക്ക് വഴി പിന്‍വലിക്കാം മറ്റ് സ്പെഷ്യല്‍ അക്കൗണ്ടുകള്‍ ഫിക്സഡ് തുടങ്ങിയവയില്‍ നിന്ന് അതില്‍ കൂടുതല്‍ പിന്‍വലിക്കാം. പണത്തിനു പകരം ചെക്ക് കൈമാറിയും ആവശ്യങ്ങള്‍ നിറവേറ്റാം. വന്‍ ബിസിനസുകള്‍ പലതും പണ്ട് മുതലേ സ്വകരിക്കുന്ന വിനിമയരീതി തന്നെ ആണിതെങ്കിലും സധാരണക്കാര്‍ക്ക് ചെക്ക് ഉപയോഗിച്ചുള്ള വിനിമയം എത്രകണ്ട് ഫലപ്രധമെന്നു ഉപയോഗിച്ചേ അറിയാനാകൂ  
നെറ്റ് ബാങ്കിംഗ്
ഇന്റര്‍നെറ്റ്‌ യുഗത്തില്‍ നെറ്റ് ബാങ്കിങ്ങിന്റെ പ്രസക്തിയെ പറ്റി പറയേണ്ടതില്ലല്ലോ. പണം ഉപയോഗിച്ചുള്ള ജീവിതാവശ്യങ്ങളില്‍ 80% വും ഈ മാര്‍ഗം ഉപയോഗിച്ച് പരിഹരിക്കാം. ബില്‍ പെയ്മെന്റുകള്‍ റീ ചാര്‍ജിംഗ് ഓണ്‍ ലൈന്‍ പര്‍ച്ചേസ് എന്ന് തുടങ്ങി നെറ്റ് ബാങ്കിംങ്ങിലൂടെ കൈകാര്യം ചെയ്യാവുന്ന ധനകാര്യങ്ങള്‍ ഒട്ടനവധി ഉണ്ട് ഇങ്ങനൊക്കെ ആണെങ്കിലും ഒട്ടേറെ ന്യൂനത്തകളും പ്രശനന്ങ്ങളും  ഈരീതിക്ക് ഉണ്ടാകാറുണ്ട് തടസമില്ലാത്ത ഇന്റര്‍നെറ്റിന്റെ അഭാവം. സാങ്കേതികമായി സംഭവിക്കുന്ന ഒട്ടേറെ തകരാറുകള്‍ എന്നിവ ഒക്കെ ഈ രീതിയെ പ്രതികൂലമായി ബാധിക്കുന്നു ഇന്റര്‍നെറ്റ്‌ സൗകര്യമില്ലാത്ത നിരവധി ഗ്രാമങ്ങള്‍ ഇന്ത്യയില്‍ ഉണ്ടെന്നിരിക്കെ ഈ രീതി നൂറുശതമാനം ഫലപ്രദമല്ല
*99#
ഇന്റര്‍നെറ്റ്‌ ഇല്ലെങ്കിലും ഒരു സാധാരണ മൊബൈല്‍ ഫോണ്‍ എങ്കിലും ഇല്ലാത്തവര്‍ ചുരുക്കമാണ് അത്തരക്കാര്‍ക്ക് ഏറെ ഗുണകരമാണ് ഈ രീതി. നാഷണല്‍ പേയ്മെന്റ് കോര്‍പ്പറേഷന്‍ ഓഫ് ഇന്ത്യയുടെ *99# എന്നാ സാങ്കേതികതയിലൂടെ ഏത് ഫോണില്‍ നിന്നും ബാങ്ക് അക്കൗണ്ട്‌ ഉപോഗിച്ച് ചെയ്യാവുന്ന എല്ലാ പണമിടപാടുകളും എളുപ്പത്തില്‍ ചെയ്യാവുന്നതാണ് ഇതിനായി  *99# ഡയല്‍  ചെയ്താല്‍ അതിനുള്ള മെനു വരുന്നതാണ്. മൊബൈല്‍ നെറ്റ്വര്‍ക്ക് ഇല്ലാത്ത സ്ഥലങ്ങളില്‍ ഈ സേവനം ലെഭിക്കില്ല എന്നതാണ് ന്യൂനത.
നിഗമനം
അപ്പോള്‍ പറഞ്ഞുവന്നത് നിത്യജീവിതത്തില്‍ പണം ഉപയോഗിക്കാതെ കാര്യങ്ങള്‍ നിര്‍വ്വഹിക്കാന്‍ ഇത്രയേറെ മാര്‍ഗങ്ങള്‍ ഉണ്ടെങ്കിലും ഈ സാങ്കേതിക മേന്മകള്‍ ഒന്നും ലെഭ്യമല്ലാത്ത വളരെ കുറച്ചു ജനങ്ങള്‍ നമ്മുടെ നാട്ടില്‍ ഉണ്ട്. ടെക്നോളജി ഉപയോഗപ്പെടുത്താവുന്ന ആളുകള്‍ പണത്തിന്റെ ഉപയോഗം കുറച്ചു മുകളില്‍ പറഞ്ഞരീതികള്‍ ഉപയോഗിച്ചാല്‍ വളരെ കുറച്ചു നോട്ടുകള്‍ മാത്രം മതിയാകും വിനിമയത്തിന്. അന്ങ്ങനെ വന്നാല്‍ ആപണം ഈ സാധാരണയില്‍ സാധാരണക്കാരായ  ജനങ്ങളില്‍ എത്തുകയും അവരുടെ പ്രശ്നങ്ങളും ഒരു പരിതിവരെ കുറയുകയും ചെയ്യും.
നിഗമനം എന്റെ വ്യക്തിപരമായ അഭിപ്രായം മാത്രമാണ്

അവലംബം https://ml.wikipedia.org/wiki/ചെക്ക്‌

ആദ്യം ഒരുറക്കം പിന്നെ മീറ്റ്‌ അതിനിടയില്‍ ഈറ്റ് | Tirur Thunchan Parambu Blog Meet

തലേന്ന് രാത്രി വളരെ നേരത്തെതന്നെ തുഞ്ചന്‍പറമ്പില്‍ എത്തിപ്പെട്ടു. ഭാഗ്യം സെക്യൂരിറ്റി മാത്രം ഉറക്കം തുടങ്ങിയതെ ഉള്ളു അല്ലെങ്കില്‍ ഭീമാകാരമായ ഗെയിറ്റ് നട്ട പാതിരാത്രിക്ക് ചാടേണ്ടി വന്നേനെ. റൂമില്‍ ചെന്നപ്പോള്‍ പതിവ് തെറ്റിക്കാതെ ഷെരീഫ് ഇക്ക കൊട്ടാരക്കരേന്നു ഹാജര്‍. മോനേം പേരകുട്ടി കളേം ഒപ്പം കൂട്ടിയിട്ടുണ്ട് പഴയ ജഡ്ജിഅദ്ധേഹം
രാവിലെ എണീറ്റപ്പോഴാണ്  വെളുപ്പിനെ മറ്റുചില കഷികള്‍ കൂടി എത്തിയിട്ടുണ്ടെന്നു അറിഞ്ഞത് .  പാവം സെക്യൂരിറ്റി ചേട്ടന്‍ പിന്നെ ഉറങ്ങീട്ടുണ്ടാവില്ല. മീറ്റിനും ഈറ്റിനും നൂറു പേര്  എങ്കിലും വരും എന്ന് സാബു ചേട്ടന്‍ പറഞ്ഞിരുന്നു അതുകൊണ്ട് ഇന്ന് പല്ല് തേച്ചില്ലെങ്കിലും കുളിക്കണമല്ലോ…എന്നും ചിന്തിച്ച്   കുളി എന്നാ അന്ധവിശ്വാസം കണ്ടുപിടിച്ചവനെ പ്രാകി  അങ്ങനെ റൂമിന്റെ വരാന്തയില്‍ ഇരിക്കുമ്പോഴാണ്  ഒരുപുട്ടു കുറ്റിയും കയ്യില്‍ പിടിച്ചു ഒരാള്‍ വരുന്നത്  മ്മടെ അബസ്വരം.  രാവിലെ തന്നെ എന്തിനാണാവോ ഈ പുട്ടുകുറ്റി…
സോപ്പും പേസ്റ്റും ബ്രഷും ഒന്നുമില്ലതെയാ പുറപ്പെട്ടത് അതുകൊണ്ട് അതെല്ലാം വാങ്ങണം. പയ്യെ പുറത്തെക്കൊന്നിറങ്ങി ഇറങ്ങുന്നവഴി റൂമിലേക്കുള്ള വഴിചോദിച്ചു ഒരുമറവിക്കാരി കൂടിവന്നു. സത്യത്തില്‍ പുറത്തേക്കിറങ്ങിയപ്പോള്‍ ആകെ പണികിട്ടിന്നു പറഞ്ഞാമതി അവിടെ ആര്‍ക്കും ഏഴ് മണിയായിട്ടും നേരം വെളുത്തിട്ടില്ല ഒരൊറ്റ കടപോലും തുറന്നിട്ടില്ല . പിന്നെ കുറെ നേരം തിരൂരില്‍ ഒക്കെ കറങ്ങിനടന്ന്  സോപ്പും പേസ്റ്റും എല്ലാം ഒപ്പിച്ചു  തിരിച്ചു റൂമിലേക്ക്
ഇന്നി മീറ്റിന്റെ ചിത്രങ്ങളിലേക്ക്  

 മീറ്റിന്റെ വിഷേഷങ്ങൾ ഒരുപാട് ഉണ്ടെങ്കിലും ചിത്രങ്ങൾ കണ്ട് ത്രിപ്തി പ്പെടണമെന്നപേക്ഷിക്കുന്നു

എല്ലാവര്ക്കും അനുഗ്രഹം നല്കുന്ന വാഴക്കോടൻ
ആദർശങ്ങളിലൂടെ…

യൂസഫ്ക്ക

ജിക്കു പുലി

വാ തുറന്നാൽ അബസ്വരം

അൻവർ ഇക്ക

സാബു ചേട്ടൻ

ഒരു കൊച്ചുപുലി

പിന്നെം ഒരു കുട്ടിപ്പുലി

എല്ലാവരെം കിട്ടിയോ എന്തൊ..?
ഷെരീഫ്  കൊട്ടാരക്കര

രണ്ട്  സംഗീത് മാർ

പാവം പള്ളികുടത്തിൽ പോയിട്ടില്ല  നിരക്ഷരനാണ്

മുബാറക്ക്‌

അയ്യോ  മറവി  പകരുമോ  പേര് ഞാനും മറന്നു..ആ കിട്ടി ശ്രുതി

ഷരീഫ് ഇക്കയും  മകനും പേരകുട്ടികളും

ഇങ്ങനെയും ഉണ്ടോ  കൂതറകൾ

മീറ്റാൻ വന്നിട്ട് ഓൻ പുട്ടുകുറ്റി കൊണ്ട് പടം പിടുത്തമാർന്നു

ഇന്നിയും കുറെ ഫോട്ടോകൾ കൂടി ഉണ്ട് എല്ലാം കൂടി ഇപ്പൊ എടുത്തിട്ടാൽ അടുത്ത പോസ്റ്റിൽ എന്തെടുത് ഇടും അതുകൊണ്ട് അതുപിന്നെ  

ബ്ലോഗൊന്ന് പൊടിതട്ടി എടുക്കാൻ വന്നതാ

ഒരു പാട് നാളായി അല്ലെ നമ്മൾ കണ്ടിട്ട് വേറൊന്നുമല്ല അൽപ്പം തിരക്കും
അതിലേറെ എഴുതാനുള്ള മടി കൊണ്ടുമാണു ബ്ലോഗിൽ തിരിഞ്ഞു നോക്കാതിരുന്നത് .
കഴിഞ വർഷം ഇതാഞാൻ തിരിച്ചു വരുന്നു എന്നൊക്കെ വീമ്പിളക്കി ഒരു പോസ്റ്റും
ഇട്ടിട്ട് ബ്ലോഗും പൂട്ടി പോയതാ. പിന്നെ ഇപ്പൊളാ ഇങ്ങോട് തിരിഞ്ഞു
നോക്കുന്നെ അന്നു പോസ്റ്റിയ ആപോസ്റ്റിൽ ഇന്ന് നോക്കിയപ്പോൾ മൂന്നാലു
കമറ്റുകൾ വന്നിരിക്കുന്നു.മറ്റാരുമല്ല ബ്ലോഗിൽ ഇപ്പോഴും സജീവമായ
ഫൈസലിക്ക, അജിത്ത് ചേട്ടൻ എന്നിവരാണത്. ഞാൻ ഉപേഷിച്ചാലും എന്റെ ബ്ലോഗിൽ
സന്ദർശകർ ഉണ്ടെന്നറിഞ്ഞതിൽ ഒരുപാട് സന്തോഷം തോന്നി. ബ്ലോഗ് ഉപേക്ഷിച്ചു
പോയവരെല്ലാം തിരികെ വരണമെന്നാണു എന്റെ ആഗ്രഹം.ഞാനും അതിനുള്ള
ശ്രമത്തിലാണു എഴുത്തില്ലാത്തതിനാൽ അക്ഷരങ്ങൾ പിണങ്ങി മാറി നിൽക്കുന്നു.
തൂലികകൊണ്ട് മെരുക്കണം അക്ഷരങ്ങളെ. ബ്ലോഗൊക്കെ ഒന്നു പെയിന്റ് ചെയ്തു
വീണ്ടും താമസം തുടങ്ങണം. എല്ലാവരുടെയും പിന്തുണ വേണം
അതുണ്ടാകുമെന്നറിയാം. ഗ്രുപ്പുകളിൽ ഇപ്പോൾ അത്രസജീവമല്ലാത്തതിനാൽ പുതിയ
ബ്ലോഗർമാരെ ആരെയും അറിയില്ല. തുഞ്ചൻപറമ്പിൽ എല്ലാവരും ഉണ്ടാകുമല്ലോ
അല്ലെ. ഞാനും എത്താൻ കഴിയുമെന്നും എല്ലാവരെയും പരിജയപെടാൻ കഴിയുമെന്നും
വിശ്വസിക്കുന്നു. അപ്പോ വീണ്ടും കാണാം സ്നേഹപൂർവ്വം ദേവൻ.

മഴ!! എല്ലാത്തിനും ഒരു കുളിരുള്ള തുടക്കമാവട്ടെ.

ഞാൻ ഒരു കുഴി തോണ്ടുകയാണ്. മനസ്സിന്റെ മുറ്റത്ത്…
പണ്ടെങ്ങോ മരിച്ചെന്നു കരുതി കുഴിച്ചുമൂടിയ സർഗവാസനകളെ പുറത്തെടുക്കാൻ… അതെ പ്രിയ ബ്ലോഗർമാരെ ഒരു തിരിച്ചുവരവിനൊരുങ്ങുകയാണ് ഞാൻ.
ജീവിത യാധാർത്യങ്ങളുടെ ചുഴിയിൽ മുങ്ങിതാഴാനുള്ള വിധിയെ ഉമ്മറ പടിയിൽ സ്വീകരിച്ചിരുത്തി ഞാൻ ഞാനല്ലാതായപ്പോൾ ബാക്കിയായതു മനസിന്റെ ചില്ലകളിൽ കൂടുകൂട്ടിയ ചില സ്വപ്നങ്ങളും മോഹങ്ങളുമാണ്. എല്ലാം വീണ്ടെടുക്കാൻ ഒരു തിരിച്ചുവരവ്
ബൂലോകം പഴയ ബൂലോകമല്ലെന്നറിയാം പക്ഷെ ദേവൻ പഴയ ദേവനാ…